नेपाल प्रहरीको केन्द्रीय अनुसन्धान ब्यूरोले ठगिएका सहकारी पीडितलाई सम्पर्कमा आउन अनुरोध गरेको छ ।
अनुसन्धान ब्यूरोले काठमाडौँको तीनकुनेस्थित रियल गोर्खा बचत तथा ऋण सहकारी संस्थाबाट ठगीमा परेका पीडितलाई सम्पर्कमा आउन अनुरोध गरेको हो ।
ब्यूरोका प्रवक्ता प्रहरी उपरीक्षक नवराज अधिकारीले सहकारीका केही व्यक्ति पक्राउ परेकाले उनीहरुविरुद्ध मुद्दा अघि बढाउनुपर्ने हुँदा ठगीमा परेकालाई समयमै सम्पर्कमा आएर जाहेरी दिन सार्वजनिक अनुरोध गरिएको जानकारी दिएका छन् ।
अधिकारीले भने, ‘सहकारी ठगीमा सञ्चालकलाई मुद्दा चलाउनुपर्ने हुन्छ ।
सबै पीडित आएमा बिगो कायम तथा जेल सजायाका लागि प्रतिवेदन तयार पारी जिल्ला सरकारी वकिलमार्फत मुद्दा चलाउन सकिने भएकाले जतिसक्दो छिटो सम्पर्कमा आएर जाहेरी दिन आग्रह गरेका छौँ ।’
अधिकारीका अनुसार काठमाडौँको तीनकुने केन्द्रीय कार्यालय भई जोरपाटी र भक्तपुरका विभिन्न क्षेत्रमा उक्त सरकारीले सेवा दिएको छ ।
सोही क्रममा सञ्चालक समितिका सदस्यले निक्षेपकर्तालाई आर्कषक ब्याजदर दिन्छु भनी प्रलोभन देखाइ निक्षेपकर्ताको ठूलो रकम हिनामिना गरेको पाइएको हो ।
अहिलेसम्मको अनुसन्धानमा रु १२ करोड ३५ लाख बचत रकम अपचलन तथा हिनामिना गरेको पाइएको प्रहरी उपरीक्षक अधिकारीले जनाएका छन् ।
यसरी रकम हिनामिना गरी फरार रहेका अध्यक्ष हर्कबहादुर कठायत र सदस्य विनोदकुमार ओझालाई पक्राउ गरी अनुसन्धान थालिएकाले बचतकर्तालाई सम्पर्कमा आएर जाहेरी दिन ब्यूरोले आग्रह गरेको छ ।
कठायत र ओझाले सर्वसाधारणलाई सहकारी मुद्दती, निक्षेप, आवधिक बचत, सेयर तथा विभिन्न बचत खातामा जम्मा गर्न लगाई मासिक(त्रैमासिक(वार्षिकरुपमा ब्याज पाउने र निर्धारित अवधि नाघेपछि निक्षेपको सम्पूर्ण साँवा, ब्याज फिर्ता पाउने विश्वासका पारी रकम सङ्कलन गरेका हुन् ।
यस अघि खप्तडटिभीले ‘लुटेरा सहकारी’ रियल गोर्खाविरुद्ध पर्यो उजुरी, पदाधिकारी र कर्मचारीलाई ‘कालोमोसो’ दल्ने चेतावनी सहितको समाचार प्रकाशन गरेको थियो । उक्त समाचार प्रकाशन भएपछि उनीहरू फरार रहेका थिए ।
यो पनि…..
‘नाम: ‘रियल गोर्खा’, काम: ठग्ने’ : जनतामारा सहकारीका हर्कबहादुरका हर्कतको नालीबेली
‘रियल गोर्खा’दोस्रो काण्ड : हर्कबहादुरका हाकिमको हर्कत, सोझा बचतकर्ताको फुट्या किस्मत्
‘नाम: ‘रियल गोर्खा’, काम: ठग्ने’ : जनतामारा सहकारीका हर्कबहादुरका हर्कतको नालीबेली
https://khaptadtv.com/real-gorkha-scandal
‘लुटेरा सहकारी’ रियल गोर्खाविरुद्ध पर्यो उजुरी, पदाधिकारी र कर्मचारीलाई ‘कालोमोसो’ दल्ने चेतावनी
