वि.सं.२०८० फागुन १० बिहीवार

आर्थिक अनियमिततामा मुछिएका बझाङका सिडिओमाथि छानबिन हुँदैछ : गृह मन्त्रालय

बझाङका सिडियो अर्याल नुन काण्डमा मुछिएपछि..!

स्थानीय तहको निर्वाचनमा खटिएका सुरक्षा निकायका प्रमुखले पाउनुपर्ने निर्वाचन भत्ताको रकम दुरुपयोग गरेको आक्षेप खेपिरहेका बझाङका प्रमुख जिल्ला अधिकारी बाबुराम अर्यालमाथि गृह मन्त्रालयले छानबिन अगाडि बढाएको छ । गृह मन्त्रालयका प्रवक्ता फणिन्द्रमणि पोखरेलले उक्त जानकारी दिएका हुन् ।

आइतबार मन्त्रालयका प्रवक्ता पोखरेलले सिडिओ अर्यालमाथि छानबिन भइरहेको बताएका थिए । ‘हामी हेर्दै छौँ, छानबिन हुँदै छ’ उनले छोटो प्रतिक्रिया दिएका थिए । यद्यपि, छानबिनका लागि कति समय लाग्छ भन्ने प्रश्नमा प्रवक्ता पोखरेलले निश्चित समय भन्न नसकिने बताए । ‘यति नै समय लाग्छ भन्न मिल्दैन, हामी हेर्दै छौँ,’ उनले भने ।

यता, बझाङका प्रजिअ अर्यालले गृह मन्त्रालयमा आफ्नो सोर्स चल्ने भएकाले आर्थिक अनियमिततामा मुछिए पनि केही फरक नपर्ने बताउँदै आएको स्रोतले बताएको छ । ‘गृह मन्त्रालयमा मैले भनेको मान्ने मान्छे छन्, समाचार आए पनि त्यसले मलाई केही फरक पर्दैन । मेरो घरपरिवारका सदस्यलाई अलिक तनाव होला त्यति मात्रै हो,’ स्रोतले भन्यो ।

गृह प्रवक्ता पोखरेलले कति समय लाग्छ भन्ने प्रश्नमा अनिश्चितता जनाउँदा प्रजिअले भन्ने गरेको ‘केही फरक नपर्ने’ कुरालाई इंगित गर्न खोजेको हो कि भन्ने आशंका सरोकारवालाले गरेका छन् ।

स्थानीय तहको निर्वाचनमा खटिएका जिल्लास्थित सुरक्षा निकायका प्रमुखले पाउनुपर्ने निर्वाचन भत्ताबापतको रकम हालसम्म पनि वितरण नगरेपछि बझाङका प्रजिअ अर्यालमाथि आर्थिक अनियमितताको प्रश्न उठेको छ । गत ३० वैशाखमा सम्पन्न स्थानीय निर्वाचन सुरक्षा र व्यवस्थापनका लागि प्रजिअ अर्यालको नेतृत्वमा जिल्ला निर्वाचन सेल गठन गरिएको थियो ।

निर्वाचन सेलमा जिल्लास्थित जिल्ला प्रहरी प्रमुख, सशस्त्र प्रहरी इकाईको प्रमुख, नेपाली सेनाको प्रमुख, राष्ट्रिय अनुसन्धान विभागको प्रमुख तथा सहायक प्रमुख जिल्ला अधिकारी सदस्य रहन्छन् ।

निर्वाचन सम्पन्न भइसकेपछि निर्वाचन सेलका सदस्यले उनीहरूले खाइपाई आएको एक महिनाको तलबको ६० प्रतिशत हुन आउने रकम भत्ताबापत पाउँछन् । तर, बझाङका प्रजिअ अर्यालले भने उक्त रकम निर्वाचन सेलका सदस्यलाई उपलब्ध गराएका छैनन् ।

स्थानीय तहको निर्वाचनमा खटिएका सुरक्षा निकायका प्रमुखले पाउनुपर्ने निर्वाचन भत्ताको रकम दुरुपयोग गरेको आक्षेप खेपिरहेका बझाङका प्रमुख जिल्ला अधिकारी बाबुराम अर्यालमाथि नुन ढुवानीको रकम पनि अनियमितता गरेको आरोप लागेको छ ।

थप समाचार…..

बझाङका सिडियो अर्याल नुन काण्डमा मुछिएपछि..!

बझाङका सिडियोले कर्मचारीको भत्तामा अनियमितता गरेपछि..!