नेपाली काग्रेसबाट निर्वाचित बनेपा नगरपालिका वडा नं.९ का ४२ वर्षीय वडाध्यक्ष नृपेश बादेलाई १५ लाख घुससहित रंगेहात अख्तियार दुरुपयोग अनुसन्धान आयोगको टोलीले पक्राउ गरेको छ ।
आयोगबाट खटिएको टोलीले वडाध्यक्ष बादेसँगै आएको बा ७ च १२९ न. को कारचालक सिन्धुपाल्चोक बाह्रबिसे नगरपालिका वडा नं= ७ मिलनटार स्थायी घरभई हाल चाँगुनारायण नगरपालिका–२ दुवाकोट बस्ने ३१ वर्षीय पदमबहादुर प्रधान र गाडीसहित नियन्त्रणमा लिएको आयोगको जारी विज्ञप्तीमा उल्लेख गरिएको हो ।
आयोगद्धारा जारी विज्ञप्ती अनुसार घरबाटो सिफारिस गर्ने प्रयोजनको लागि १५ लाख घुस लिइसकेको अवस्थामा वडाध्यक्ष बादेलाई बुधबार राति भक्तपुर मध्यपुर ठिमी नगरपालिका ३ गठ्ठाघरबाट नियन्त्रणमा लिएको जनाएको छ।
