देब्रे हात भाँच्चिएर उपचारका लागि आएका एक जना बालकको दाहिने हातमा पलास्टर गरिएको कुराले बझाङ जिल्ला अस्पतालकाे बदनाम भएकाे छ ।
जिल्ला अस्पताल बझाङमा कार्यरत स्वास्थ्यकर्मीको लापर्बाहीले अस्पतालका कर्मचारीहरूकाे बदनाम तथा आलोचना भइरहेकाे हाे ।
ती बालक बझाङ जिल्लाको दुर्गाथली गाउँपालिका–७, दौलाका ७ वर्षीय सुनील दौल्याल हुन् ।
आइतबार साँझ घरको ढोकानजिकै खेल्ने क्रममा लडेका दौल्याललाई उनका दाइ आदेश दौल्यालले सोमबार जिल्ला अस्पताल सिमखेत पुर्याएका थिए ।
सोमबार दिउँसो तीन बजेतिर अस्पताल पुर्याइएका उनको एक्सरे गर्दा देब्रे हातको कुइनामा भाँच्चिएको देखियो । चिकित्कसले शल्यक्रिया गर्नु पर्ने भन्दै सुनीललाई वार्डमा भर्ना हुन लगाए ।
नर्सहरूले हातमा पलास्टर गर्नुपर्ने भनेर बालकलाई अर्को कोठामा लगे ।
भाँच्चिएका हड्डीलाई तारको सहयोगले जोडेर शल्यक्रिया गरिएको जिल्ला अस्पताल बझाङका हाडजोर्नी विषेशज्ञ डाक्टर दीपक खड्काले बताए ।
पलास्टर गर्ने क्रममा अस्पतालका कर्मचारीको कमजोरी भएको भन्दै गल्ति लुकाउन तिर लागे, खड्का ।
तर, अस्पतालले आफ्नाे गल्ती लुकाउन धम्कीपूर्ण हिसावले एउटा विज्ञप्ति निकालेकाे छ । उक्त विज्ञप्तिमा भनिएकाे छ, कि सामाजिक सञ्जाल तथा विभिन्न समाचारमा फैलिएका अन्य अफवाहको पछी नलाग्न हुन सम्पूर्ण जनमानसमा अनुरोध तथा सो कार्यमा संलग्न कर्मचारीहरु माथि छानबिन गरि आवश्यक कार्वाही गरिने र आगामी दिनमा यस्तो त्रुटी हुन नदिन अस्पताल परिवार कटिबध्द रहेको बताएकाे छ । तर यस्ताे कतिदिनसम्म याे अस्पतालकाे शासन चल्छ हाेला । याे घटनाकाे बिषयमा सर्ब साधारण जनताहरूकाे मनमा डर पैदा भएकाे छ ।
जिल्ला अस्पतालमा काम कम राजनीति बढी गर्छन्, त्यहाँ कार्यरत डाक्टरहरू । जनताको करबाट आफ्नो सेवा सुबिधा लिने डाक्टर जनता प्रतिको आफ्नो कर्तव्यमा यसरी नै च्युत हुँदै जाने हो भने जनताको नजरमा गिरेर कसरी अगाडि बढ्न सक्लान् ? के जनताको सहयोग बिना नेताकै गुलामी र भजन गाएर डाक्टर अगाडि बढ्न सम्भव छ ? हैन, यस्ता कर्मचारीलाई कार्वाही नगरी उल्टै काइते बिज्ञप्ति निकालेर कानमा तेल हालेर बसेकाे छ, जिल्ला अस्पताल बझाङ ।
यस्ता गल्ति गर्नेलाई यो देशमा कानून छ कि छैन । के हेरेर बसेको छ । मेडिकल काउन्सिल लगायतका संस्थाहरू ।
