प्रतिनिधिसभा र प्रदेशसभा निर्वाचनको मुखैमा नेकपा एमाले बझाङमा पहिरो गएको छ ।
एमालेका जिल्ला स्तरीय नेताहरु एमाले परित्याग गरी नेकपा समाजवादीमा प्रवेस गरेपछि एमालेलाई धक्का लागेको हो ।
नेकपा (एकीकृत समाजवादी) को जिल्ला पार्टी कार्यलय चैनपुरमा आयोजित कार्यक्रममा खप्तडछान्ना गाउँपालिका वडा नम्बर ३ का पूर्व वडाअध्यक्ष मानबहादुर खत्री र बित्थडचिर गाउँपालिकाका एमाले गाउँ कमिटि अध्यक्ष धनबहादुर ढाँट लगायतका सयौं एमाले कार्यकता एमाले परित्याग गरी एकीकृत समाजवादीमा प्रवेस गरेका छन् ।
नवप्रवेसीहरुलाई नेकपा (एकीकृत समाजवादी) का स्थायी कमिटि सदस्य एवं बाम लोकतान्त्रिक गठबन्धनका साझा उम्मेदवार भानुभक्त जोशीले स्वागत गरेका थिए ।
