वि.सं.२०८१ साउन १० बिहीवार

सिटी एक्सप्रेस मनि ट्रान्सफरले हुण्डी कारोबारबाट देशमाथि १० करोड बराबरको कर छली

सिटी एक्सप्रेस मनि ट्रान्सफरले हुण्डी कारोबारबाट देशमाथि करिव १० करोड रुपैयाँ बराबरको कर छली गरेको छ ।

सिटी एक्सप्रेस मनि ट्रान्सफरले विभिन्न देशका विभिन्न ठाउँबाट रेमिट्यान्स पठाउँदा अन्तर्राष्टिय मुद्राहरूबाट राज्यलाई कर छली गरेको हो ।

४ बर्षको अवधिमा उक्त कम्पनीले करिव ९० अर्ब रुपैयाँ हुण्डीबाट भित्राएको छ । हुण्डीबाट विदेशी रकम ल्याउँदा विदेशी मुद्रा आउँदैन । विदेशी मुद्रा विदेशमै अपचदनमा राख्नु वित्तीय अपराध मानिन्छ । यसमाथि आन्तररिक राजश्व कार्यालयले छानविन गर्नु पर्नेछ, तर अहिले सम्म भने आन्तररिक राजश्व पनि चुपचाप बसेकाे छ ।

छानविनमा दोषी ठहर भए यसका अध्यक्ष चन्द्र टन्डनमाथि बेंकिड कसुर लाग्ने छ । उनी हाल रेमिटर्स एशोसियसनको अध्यक्ष समेत हुन् । हुण्डी कारोबारबाट आउने कमिशन धेरै हुन्छ । त्यसमाथि विदेशी डलर अपचलन गर्दा नेपलकै पैसा नेपाल भित्र खेलाउने र विदेशी पैसा विदेशमै थन्काउने काम गर्न मिल्छ ।

यसरी कारोबार गर्दा राज्यलाई कर तिर्नु पर्देन । उसको ९० अर्ब हुण्डीको राजश्व मात्रै करिव १० करोड हुन आउँछ । उक्त रकम राज्यको कोषमा दाखिला भएको देखिँदैन ।

हुण्डीमार्फत स्वदेशमा रकम त भित्रिएको छ तर त्यसको हिस्सा देशको ढुकुटीमा नगई दलालको हातमा मात्रै सिमित भएको छ सँगै विदेशमा बगाएको पसिनाको मूल्यसमेत जोखिममा पर्ने गरेको छ ।