८,१६३ मिटर अग्लो मनास्लु—नेपालकै “killer mountain” भनेर चिनिने हिमाल।
हिउँपहिरो, कठोर मौसम र जोखिमपूर्ण बाटोका बीच उभिएको यो शिखर केवल भौगोलिक उचाइ मात्र होइन, साहस र धैर्यको परिक्षा हो।
यही शिखरमा ३७ वर्षका शाङ्गे शेर्पा ले पाइला राख्दा त्यो क्षण केवल व्यक्तिगत विजय थिएन, त्यो साधारण किसान परिवारको सपना, संघर्ष र विश्वासको जित थियो।
गोरखाको माटोमा जन्मिएका शाङ्गे शेर्पा पेशाले trekking तथा mountain guide। बाल्यकालमा खेतबारीमा पसिना बगाउँदै हुर्किएका उनी हिमालसँगै सपनाहरू पनि उचाइतिर लैजान चाहन्थे। परिवारको आर्थिक अवस्था साधारण थियो, तर मन ठूलो थियो। अभावले उनलाई रोकेन, बरु झन् बलियो बनायो।
मनास्लु आरोहण सजिलो थिएन। हरेक पाइला जोखिमले भरिएको, हरेक सास चुनौतीसँग जुधिरहेको। तर उनले हार मानेनन्। किनकि उनलाई थाहा थियो—शिखर डराउनेहरूका लागि होइन, तयार हुनेहरूका लागि हो।
तर शाङ्गे शेर्पाको यात्रा हिमालमा मात्र सीमित छैन। उनी राजनीतिक क्षेत्रमा पनि उत्तिकै सक्रिय छन्। पूर्व ना.उ.पा. खोटाङ जिल्ला अध्यक्ष र हाल नज प्रजातान्त्रिक पार्टीका केन्द्रीय उपाध्यक्ष तथा प्रदेश १ का अध्यक्षको जिम्मेवारी सम्हाल्दै आएका उनी नेतृत्व र सेवा भावलाई सँगसँगै अघि बढाइरहेका छन्।
उनका लागि राजनीति पद होइन—जिम्मेवारी हो। जस्तै हिमाल चढ्दा टोलीको सुरक्षा पहिलो प्राथमिकता हुन्छ, त्यस्तै राजनीति गर्दा जनताको भरोसा पहिलो कर्तव्य हुनुपर्छ भन्ने उनको विश्वास छ।
हिमालले उनलाई सिकाएको छ – धैर्य राख्न,सही समयमा सही निर्णय लिन,र संकटमा पनि नडगमगाउन।
राजनीतिमा पनि उनी त्यही सिद्धान्त अपनाउन चाहन्छन्। उनी भन्छन्—“हिमाल चढ्दा झुटो आत्मविश्वासले ज्यान लिन्छ, तर साँचो तयारीले शिखर दिलाउँछ। राजनीतिमा पनि त्यस्तै हो—आडम्बर होइन, इमानदारी र सेवा भाव चाहिन्छ।”
साधारण किसान परिवारबाट विश्वको आठौँ अग्लो हिमालको शिखरसम्म पुग्नु र त्यहीसँगै राजनीतिक नेतृत्वमा उभिनु—यो कथा केवल शाङ्गे शेर्पाको मात्र होइन, हरेक नेपाली युवाको सम्भावनाको कथा हो।
अभावलाई कमजोरी नबनाऊ, संघर्षलाई ऊर्जा बनाऊ, र देशका लागि केही गर्ने संकल्प राख । आज मनास्लुको शिखर साक्षी छ। जब सपना इमानदार हुन्छ,जब मेहनत निरन्तर हुन्छ, र जब उद्देश्य समाज र राष्ट्रप्रति समर्पित हुन्छ, त्यस बेला साधारण मानिस पनि असाधारण इतिहास लेख्न सक्छ।
