अमेरिकामा श्रृंखलावद्ध ठगी गरी ५५ करोडभन्दा बढी रकम नेपाल भित्र्याएकाे आराेपमा पक्राउ परेका खप्तडटिभीका सम्पादक पृथ्वीबहादुर शाहलाई जिल्ला अदालत काठमाडौंले ‘कसुर ठहर हुन नसक्ने’ भन्दै सफाइ दिएको छ ।
यस खप्तडटिभीका सम्पादक समेत रहेका शाहलाई जिल्ला अदालत काठमाडौंका न्यायाधीश खिमानन्द भुसालको इजलासले सफाई दिएकाे हाे ।
शाहसङ्गै यस मुद्दामा मुछिएका अन्य २० जनालाई समेत सफाइ दिएको हो ।
शाहले नेपाल आउने पर्यटकसँग अमेरिकामा नै संकलन गरेको रकम नेपाल पठाइएको दाबी गरे ।
नेपाल भ्रमणमा आउने अमेरिकी पर्यटकहरूले यातायातदेखि अरु खर्च, स्वास्थ्य उपचार बीमा लगायतको रकम समेत उतै भुक्तानी गर्ने शाहको दाबी थियो ।
उनले त्यहाँको कम्पनीबाट उक्त रकम आफू र यहाँको कम्पनीको नाममा नेपाल भित्रिने गरेको जिकिर गरेका थिए ।
