वि.सं.२०८१ असार १ शुक्रवार

कर चुक्ताको नक्कली प्रमाणपत्र बनाउने लक्ष्मण पक्राउ

१ हजारदेखि ५ हजारसम्म कमिसन

आन्तरिक राजस्व कार्यालयले कर चुक्ताको नक्कली प्रमाणपत्र बनाउने विराटनगरका लक्ष्मण कुमार पण्डितलाई प्रहरीले पक्राउ गरेको छ ।

आन्तरिक राजस्व कार्यालयमै बसेर कर चुक्ताको नक्कली प्रमाणपत्रको कारोबार गर्दै अवस्थामा पक्राउ गरिएको सो कार्यालयले जनाएको हो ।

पण्डितले मोरङको ग्रामथान गाउँपालिका–७ मा रहेको पाथीभारा ग्रिल उद्योगको नक्कली कर चुक्ताको प्रमाणपत्र बनाएको पाइएको छ । पण्डितले आर्थिक वर्ष २०७८÷०७९ को ग्रिल उद्योगको कर चुक्ताको नक्कली प्रमाणपत्र बनाएका थिए ।

पक्राउ परेका पण्डितलाई थप अनुसन्धानका लागि जिल्ला प्रहरी कार्यालय मोरङ पठाइएको आन्तरिक राजस्व कार्यालय विराटनगरका प्रमुख सूर्य प्रसाद पोखरेलले जानकारी दिए । कर चुक्ताको प्रमाणपत्रमा कर अधिकृतको हस्ताक्षर हेर्दा नक्कलीजस्तो लागेपछि पान नम्बर राखेर कम्प्युटरमा इन्ट्री गर्दा नक्कली कर चुक्ताको प्रमाणपत्र रहेको खुलेको कार्यालय प्रमुख पोखरेलले बताए ।

कर कार्यालय आसपासमा खुलेका कर सम्बन्धी काम गर्ने फर्महरूले विचौलिया राख्ने गरेका छन् । विचौलियाले सस्तोमा सेवा गर्ने भन्दै आफूले कमिसन पाउने फर्ममा सेवाग्राहीलाई पु¥याउँछन् र कुनै पनि फर्मको कर चुक्ताको प्रमाणपत्र बनाउन सहयोग पु¥याएबापत १ हजारदेखि ५ हजारसम्म कमिसन लिने गरेको स्रोत बताउँछ ।